රෂිකා හෙන්නායක දෙසැම්බර් 17, කොළඹ LNW :
අද (17) අලුයම යුරෝ මිලියන 5,000 ක් වටිනා කිලෝ ග්රෑම් 69,000 ක් බරැති ආපදා ආධාර තොගයක් යුරෝපා සංගමයට අයත් ජර්මනියෙන් සහ ලක්සම්බර්ග් යන දෙරටින් රැගෙන විශේෂ භාණ්ඩ ප්රවාහන ගුවන් යානයක් කටුනායක ගුවන් තොටුපොළ වෙත පැමිණ තිබෙන බව වාර්තා වේ.
මෙම ගුවන් යානය තුළ කූඩාරම්, ආහාර පිසීම සදහා යොදා ගන්නා මුළුතැන්ගෙයි උපකරණ මෙට්ට, ජලය පිරිසිදු කිරීමේ උපකරණ ඇතුළත් විශාල ආපදා ආධාර තොගයක් අන්තර්ගත බව වාර්තා වේ.
මේවා රැගත් බෝයිං – 747 – 400 විශාල භාණ්ඩ ප්රවාහන ගුවන් යානය අද(17) දින අලුයම 04.30 ට ජර්මනියේ ලීග් නුවර සිට කටුනායක ගුවන් තොටුපොළ වෙත පැමිණ තිබුණ අතර, ආධාර තොගය භාර ගැනීම සදහා ශ්රී ලංකාවේ ජර්මාණු නියෝජ්ය තානාපතිනිය සරා හසල්බාත් ( Sarah Hasselbarth ) යුරෝපා සංගමයේ පියරේ ට්රිපොන් ( Pierre Tripon ) සහ ආපදා කළමනාකරණ මධ්යස්ථානයේ නිලධාරීන් පිරිසක් ද කටුනායක ගුවන් තොටුපොළ වෙත පැමිණ සිටි බව සඳහන් වේ.
