සටහන – රුවන් නෙළුගොල්ල
2025 වර්ෂයේ පෙබරවාරි 01 සිට පෞද්ගලික පරිහරණය සඳහා වාහන ආනයනය කිරීමට අවස්ථාව ලබාදීමට රජය සැලසුම් කර ඇති බව ජනාධිපති අනුර කුමාර දිසානායක මහතා පවසයි.
“මගී ප්‍රවාහන බස් සහ විශේෂ කාර්යයන් සඳහා භාවිත කරන වාහන ගෙන්වීමට 2024.12.14 සිට විවෘත කරලා තියෙන්නේ. භාණ්ඩ ප්‍රවාහනය සඳහා රථ සහ පෞද්ගලික ප්‍රයෝජනය සඳහා මෝටර් රථ අපි විවෘත කරන්න සැලසුම් කරලා තියෙනවා. පෞද්ගලික ප්‍රයෝජනය සඳහා වාහන ආනයනය 2025 පෙබරවාරි 01 වනදා සිට යෝජනාවට අපි සැලසුම් කරලා තියෙනවා ක්‍රියාත්මක කරන්න. නමුත් කවුරුත් සැකයක් තියාගන්න එපා නැවත අපි ඩොලර් අර්බුදයකට මුහුණ දේවී කියලා. මහ බැංකුවත් එක්ක අපි දීර්ඝ සාකච්ඡාවක් හරහා මේ වාහන ආනයනය කිරීම සඳහා පිටමංව යන ඩොලර් ප්‍රමාණය කොපමනද කියලා අපි යම් ඇස්තමේන්තුවක් කරලා තියෙනවා. එය කොච්චර අපේ ආර්ථිකයට බලපානවද කියලා අපි සැලකිල්ලට භාජනය කරලා තියෙනවා. නමුත් අපේ ආර්ථිකය යළි කරකවන්න නම් උද්දීපනය කරන්න නම් මේ වාහන වෙළෙඳපොළ අපි විවෘත කළ යුතුයි”
ජනාධිපතිවරයා මේ බව පැවසුවේ අද (දෙසැම්බර් 18) පාර්ලිමේන්තුව අමතමිනි.
