සටහන – නිශ්මං රණසිංහ
දෙසැම්බර් 19,(LNW)කොළඹ :
ශ්‍රී ලංකා කණ්ඩායමේ නවසීලන්ත සංචාරයේදී විස්සයි විස්ස තරග තුන සඳහා සහභාගි වන කණ්ඩායම තෝරා ගැනීම සඳහා චරිත් අසලංකගේ නායකත්වයෙන් යුත් 16 දෙනෙකුගෙන් යුත් කණ්ඩායමක් නම් කර තිබෙනවා.දෙවසරකට ඈදෙන මෙම තරග කාල සටහනට අනුව පළමු තරගය යෙදී තිබෙන්නේ මේ වසරේ දෙසැම්බර් 28 වන දා වන අතර දෙවන තරගය දෙසැම්බර් 30 වන දා පැවත්වෙනවා.තරගාවලියට අදාළ තෙවන තරගය පැවත්වෙන්නේ 2025 ජනවාරි දෙවන දිනයි.
දෙසැම්බර් 5,08 සහ 11 යන තෙදින තුළ ශ්‍රී ලංකාව සහභාගිවන එක්දින තරග තුන පැවත්වීමට නියමිතයි.පහතින් දැක්වෙන්නේ විස්සයි විස්ස තරග සඳහා සහභාගි වන එකළොස් දෙනෙකුගෙන් යුත් කණ්ඩායම තෝරා ගැනීම සඳහා තේරුම් කමිටුව විසින් නම් කර අනුමැතිය හිමි වී ඇති 16 දෙනෙකුගේ සංචිතයයි.
- චරිත් අසලංක
- පැතුම් නිශ්ශංක
- කුසල් මෙන්ඩිස්
- කුසල් පෙරේරා
- අවිශ්ක ප්‍රනාන්දු
- කමිඳු මෙන්ඩිස්
- දිනේෂ් චන්දිමාල්
- භානුක රාජපක්ෂ
- වනිඳු හසරංග
- මහේෂ් තීක්ෂණ
- ජෙෆ්රි වැන්ඩර්සේ
- චමිදු වික්‍රමසිංහ
- මතීෂ පතිරණ
- නුවන් තුෂාර
- අසිත ප්‍රනාන්දු
- බිනුර ප්‍රනාන්දු
