රෂිකා හෙන්නායක දෙසැම්බර් 19, කොළඹ (LNW):
අද (19) අධිකරණයේ පෙනී නොසිටීම හේතුවෙන් බොදුබල සේනා සංවිධානයේ ලේකම් පූජ්ය ගලගොඩඅත්තේ ඥානසාර හිමියන් අත්අඩංගුවට ගෙන ඉදිරිපත් කරන ලෙස දන්වා කොළඹ මහෙස්ත්රාත් අධිකරණය වරෙන්තු නිකුත් කළේය.
ඒ, ඉස්ලාම් දහමට අපහාස කළේ යැයි ගොනුකර ඇති නඩුවක විත්තිකරුවකු ලෙස නම්කර සිටින එම නඩුව කැඳවූ අවස්ථාවේදීය. මෙම නඩුවේ තීන්දුව අද (19) දින ප්රකාශයට පත් කිරීමට නියමිතව තිබුණු අතර, නඩුව කැඳවූ අවස්ථාවේදී ඥානසාර හිමියන් අධිකරණයේ පෙනී සිටියේ නැති බව වාර්තා වේ.
ඥානසාර හිමියන් වෙනුවෙන් පෙනී සිටි නීතිඥවරයා අධිකරණයට කරුණු දක්වමින් තමා සේවාදායක හිමියන් අසනීප තත්ත්වයෙන් පසුවන නිසා අධිකරණයට පැමිණීමට නොහැකි වූ බව සඳහන් කර ඇති අතර, ඉදිරිපත් වූ කරුණු සලකා බැලූ කොළඹ අතිරේක මහෙස්ත්රාත් පසන් අමරසේන මහතා නඩු තීන්දුව ප්රකාශ කිරීම ජනවාරි මස 09 වනදා තෙක් කල් තැබූ බව වාර්තා වේ.
එහිදී, ඥානසාර හිමියන් අත්අඩංගුවට ගෙන අධිකරණයට ඉදිරිපත් කරන ලෙසත් මහෙස්ත්රාත්වරයා නියෝග කළ බව සඳහන් වේ.
