ප්‍රවාහන මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතාගේ සංකල්පයකට ක්‍රියාත්මක කෙරෙන දක්ෂිණ අධිවේගී මාර්ගය දෙපස කුරුඳු පැල සිටුවීමේ ව්‍යාපෘතියේ නියමු වැඩසටහනක්‌ බෙලිඅත්ත අන්තර් හුවමාරුව ආශ්‍රිතව ආරම්භ විය. අමාත්‍ය ආචාර්ය බන්දුල ගුණවර්ධන මහතාගේ ඉල්ලීම පරිදි මෙම ව්‍යාපෘතියට අදාල සියළුම කුරුඳු පැල වැවිලි කර්මාන්ත අමාත්‍ය වෛද්‍ය රමේෂ් පතිරණ මහතා විසින් සම්පුර්ණයෙන්ම නොමිලේ මාර්ග සංවර්ධන අධිකාරිය වෙත පරිත්‍යාග කර ඇත.
බෙලිඅත්ත අන්තර් හුවමාරු පරිශ්‍රය ආශ්‍රිතව සිදු කෙරුණු පැල සිටුවීමේ නියමු ව්‍යාපෘතියට ප්‍රවාහන හා මහාමාර්ග අමාත්‍යංශයේ සහ මාර්ග සංවර්ධන අධිකාරියේ නිලධාරීන් සහ කාර්ය මණ්ඩලයේ සාමාජිකයන් පිරිසක් එක්ව සිටියහ.
රෂිකා හෙන්නායක
