සටහන – රුවන් නෙළුගොල්ල
හිටපු ජනාධිපති රනිල් වික්රමසිංහ මහතා අභාවප්රාප්ත හිටපු ඉන්දීය අග්රාමාත්ය මන්මෝහන් සිං මහතාගේ දේහයට අවසන් ගෞරව දැක්වීම සඳහා අද (දෙසැම්බර් 27) දිනයේදී එක්වී තිබේ.
මේ වනවිට ඉන්දියාවේ සංචාරයක නිරත වී සිටින රනිල් වික්රමසිංහ මහතා නවදිල්ලි අගනුවරදී එසේ මන්මෝහන් සිං මහතාගේ දේහයට අවසන් ගෞරව දැක්වූ අතර මන්මෝහන් සිං මහතාගේ බිරිඳ වන ගුර්ශරන් කෞර් කෝලො මහත්මියට සිය ශෝකය ද පළ කර ඇත.
එමෙන්ම ඉන්දියාවේ තවත් හිටපු අග්රාමාත්යවරයකු වන, 2018 වසරේදී අභාවප්රාප්ත වූ අතල් බිහාරි වජ්පායි මහතාගේ අනුස්මරණ උත්සවයක් ද අදට යෙදී ඇති අතර එහි ආරාධිත ප්රධාන දේශනය ද රනිල් වික්රමසිංහ මහතා විසින් පැවැත්වීමට නියමිත බව සඳහන්.
