රෂිකා හෙන්නායක දෙසැම්බර් 28, කොළඹ LNW :
දිට්වා සුළිකුණාටුවෙන් විශාල බලපෑමකට ලක් වූ බදුල්ල – ස්ප්රිංවැලි මාර්ගයේ, ස්ප්රිංවැලි ප්රදේශයේදී දැඩි ලෙස හානි වී විනාශ වූ පාලම වෙනුවට විකල්ප පාලමක් ලෙස බේලි පාලමේ (Bailey Bridge) ඉදිකිරීමේ කටයුතු මේ වන විට අවසන් අදියරට පැමිණ ඇති බව වාර්තා වේ.
මෙම මාර්ගය, මාර්ග සංවර්ධන අධිකාරියට (RDA) අයත් වන අතර, ප්රදේශයේ ජනතාවගේ දෛනික අවශ්යතා මෙන්ම වතු ක්ෂේත්රයේ ප්රවාහන කටයුතු සඳහාද අතිශය වැදගත් මාර්ගයක් වේ.
පසුගියදා සිදුවූ ආපදාවෙන් මාර්ගය විනාශ වීම හේතුවෙන් පොදු ප්රවාහන කටයුතු මුළුමනින්ම අඩාල වී තිබුණි.මාර්ග සංවර්ධන අධිකාරිය පවසන්නේ, එම විනාශ වූ පාලම වෙනුවට මෙම බේලි පාලම සකසා ඇති අතර , කඩිනමින් එහි වැඩ කටයුතු අවසන් කර වාහන ධාවනය සඳහා අවස්ථාව සලසා දීමට බලාපොරොත්තු වන බවයි.
