සටහන – රෂිකා හෙන්නායක
කොළඹ (LNW): අද (28) අළුයම් කාලයේ දී, යාපනය නගරයේ ගොඩනැගිල්ලක පිහිටි වෙළෙඳසැල් තුනක හදිසි ගින්නක් හටගෙන ඇති බව වාර්තා වේ.
යාපනය පොලිසිය, යාපනය මහනගර සභාවේ ගිනි නිවන ඒකකයේ නිලධාරීන් එක්ව ගින්න මැඩපවත්වා ඇති අතර , ගින්න හේතුවෙන් රෙදිපිළි වෙළෙඳසැලක් හා පාසල් බෑග් වෙළෙඳසැලක් සම්පූර්ණයෙන් විනාශ වී ඇති අතර යාබඳ පිහිටි තවත් වෙළෙඳසැල් දෙකකට හානි සිදුව ඇති බව පොලිසිය පවසයි.
මේවන විට විදුලිබල මණ්ඩලය විසින් අදාළ ගොඩනැගිල්ලේ විදුලි සැපයුම ද තාවකාලිකව විසන්ධි කර ඇත. ගින්න හේතුවෙන් ජීවිත හානි කිසිවක් සිදුව නොමැත.
යාපනය පොලිසිය වැඩිදුර විමර්ශන සිදු කරනු ලබන අතර , ගින්නට හේතුව මෙතෙක් අනාවරණය වී නොමැත.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
