Sunday, December 4, 2022
spot_img

Latest Posts

අපි ඇමතිවරු තුන්දෙනාට කිසිම අදහසක් නෑ මේ ආණ්ඩුවෙන් පිටවෙලා යන්න – වාසු (VIDEO)

වත්මන් ආණ්ඩුවෙන් ඉවත්ව යෑමට තමන්ට, විමල් වීරවංශ මහතාට සහ උදය ගම්මන්පිල මහතාට කිසිදු අදහසක් නොමැති බව අමාත්‍ය වාසුදේව නානායක්කාර මහතා අවධාරණය කරයි.

“ගෝඨාභය මහත්තයා කියලා තියෙනවා ඔක්කොම ජනමාධ්‍යකරුවො කැඳවලාම ‘ඒ අය අස්වෙලා යනවා නම් ඒක ඒ අයගේ කැමැත්ත. ඒ අයට වෙනස් මතයක් තියෙනවා නම්, අස්වෙලා යනවා නම් ඒ අයගේ කැමැත්ත. මම ඒ අයව අස්කරන්නෙ නෑ’ කියලා. අපිත් එතුමාට නැවත නැවතත් කියලා තිබෙන්නෙ අපි එතුමා දාලා කවදාවත් යන්න අදහසක් නෑ. අපි එතුමා සමග මේ ගමන යන්නයි අදහස.

සාමුහික වගකීම කියලා එකක් තියෙනවා කැබිනට් එකේ ඉන්නකොට. ඒක එංගලන්තයේ ප්‍රතිපත්තියක්. ඊටත් පරණ ප්‍රතිපත්තියක් අපට තියෙන්නෙ. අපේ සභ්‍යත්වයෙන් පෙන්නලා තියෙනවා හොඳම විදිය මොකක්ද කියලා. සංඝායනාව, සාකච්ඡාව, සම්මුතිය. අපි කවුරුත් එකඟවෙන රටට හිතවත් පොදු ස්ථානයක අපි කවුරුත් රැඳෙන්න ඕනෙයි කියන අදහසේ අපි ඉන්නෙ. අපි ඇමතිවරු තුන්දෙනාටම කිසිම අදහසක් නෑ මේ ආණ්ඩුවෙන් පිටවෙලා යන්න”

අමාත්‍ය වාසුදේව නානායක්කාර මහතා මේ බව පැවසුවේ ඊයේ (29) දිනයේදී මාධ්‍ය වෙත ප්‍රකාශයක් කරමිනි.

RN

LEAVE A REPLY

Please enter your comment!
Please enter your name here

Latest Posts

spot_img

Don't Miss

Stay in touch

To be updated with all the latest news, offers and special announcements.