සටහන – රුවන් නෙළුගොල්ල
කොළඹ මහ නගර සභාවේ සිදුවී ඇතැයි සැලකෙන දූෂණ අක්රමිකතා විමර්ශනය සහ පරීක්ෂා කර වාර්තා කිරීම පිණිස ජනාධිපති කොමිෂන් සභාවක් පත් කර තිබේ.
ජනාධිපති අනුර කුමාර දිසානායක මහතා විසින් නිකුත් කරන ලද අතිවිශේෂ ගැසට් පත්රයක් මගින් මෙම කොමිසම පිහිටුවා ඇත.
හිටපු මහාධිකරණ විනිසුරු පියසේන රණසිංහ, ගණකාධිකාරී ඊ. ආර්. එම්. එස්. එච්. ඒකනායක. හිටපු ජ්යෙෂ්ඨ පොලිස් අධිකාරී ඩී.එස්. වික්රමසිංහ යන මහත්වරු මෙම කොමිසන් සභාවේ සාමාජිකයින් ලෙස පත්කර ඇති බවයි එම ගැසට් නිවේදනයෙහි දැක්වෙන්නේ.
2010 සිට 2025 දක්වා කාලය තුළ කොළඹ මහ නගර සභාව තුළ සිදුවී ඇතැයි සැලකෙන දූෂණ, වංචා, සාපරාධී ලෙස විශ්වාසය කඩ කිරීම්, දේපල සාපරාධි ලෙස පරිහරණය ආදිය විමර්ශනය කිරීම මෙම කොමිසමට පැවරෙන බවත් රාජ්ය සම්පත් හා වරප්රසාද අනිසි ලෙස භාවිත කිරීම, නීත්යානුකූල නොවන බඳවා ගැනීම් හා පත්කීරීම්, නීතිවිරෝධී සැලසුම්, නිශ්චල හෝ චංචල දේපළ කුලියට හෝ බද්දට දීමේදී සිදුකර ඇති අක්රමිකතා සොයා බලා වාර්තා කිරීම ආදී කාර්යයන් මෙම කොමිසන් සභාවට පැවරෙන බවත් එම ගැසට් නිවේදනයේ වැඩිදුරටත් සඳහන් වේ.
කොළඹ මහ නගර සභාවේ අයවැය සම්මත කරගැනීම සඳහා දෙවැනිවර ඡන්ද විමසීම ද අදට (31) යෙදී තිබේ.
අදාළ සම්පූර්ණ ගැසට් නිවේදනයට මෙතැනින් යොමුවන්න.
