සමගි ජන බලවේගයේ සභාපති සරත් ෆොන්සේකා මහතාගේ පක්ෂ සාමාජිකත්වය අත්හිටුවීම, තනතුරු අත්හිටුවීම හෝ ඔහුට එරෙහිව විනය ක්රියාමාර්ග ගැනීම වළක්වාලමින් කොළඹ දිසා අධිකරණය විසින් නිකුත් කර තිබුණු වාරණ නියෝගය යළි දීර්ඝ කර තිබේ.
ඒ, තමන්ව තනතුරුවලින් ඉවත් කිරීම වළක්වාලන ලෙස ඉල්ලමින් සරත් ෆොන්සේකා මහතා විසින් ගොනු කර ඇති පෙත්සම අද (04) කොළඹ දිසා විනිසුරු සඳුන් විතාන මහතා හමුවේ කැඳවූ අවස්ථාවේදී ය.
මෙම වාරණ නියෝගය ඉවත් කරන ලෙස ඉල්ලමින් සමගි ජන බලවේගයේ නීතීඥවරුන් අද දිනයේදී මූලික විරෝධතාවක් ගොනු කළ අතර අධිකරණය නිවේදනය කළේ මාර්තු 19 වනදා එම මූලික විරෝධතා සම්බන්ධයෙන් සලකා බලන බවත් එදින තෙක් වාරණ නියෝගය දීර්ඝ කරන බවත් ය.
සමගි ජන බලවේගයේ නායක සජිත් ප්රේමදාස, එහි මහ ලේකම් රංජිත් මද්දුමබණ්ඩාර ජාතික සංවිධායක තිස්ස අත්තනායක සහ භාණ්ඩාගාරික හර්ෂ ද සිල්වා යන මහත්වරු වෙත මෙම වාරණ නියෝග නිකුත් කර ඇත.
RN
