තමා බලශක්ති අමාත්‍යවරයා ලෙස කටයුතු කරද්දී මීට පෙර ඉතා සුළු ගණනකින් ඉන්ධන මිල ඉහළ දැමීමට කටයුතු කළ අවස්ථාවේදී පොදුජන පෙරමුණේ මහ ලේකම් සාගර කාරියවසම් මහතා ප්‍රසිද්ධ මාධ්‍ය හමු පවත්වමින් බලශක්ති අමාත්‍යවරයා ඉල්ලා අස්විය යුතු යැයි ප්‍රකාශ කළ බව හිටපු බලශක්ති අමාත්‍ය උදය ගම්මන්පිල මහතා පවසනවා. පිවිතුරු හෙළ උරුමය පක්ෂ කාර්යාලයේදී පැවති මාධ්‍ය හමුවක් අමතමින් ඔහු මේ බව සඳහන් කළේය.
කෙසේ නමුත් පසුගියදා ඩීසල් හා පෙට්‍රල් හැත්තෑ ගණන්වලින්, පනස් ගණන්වලින් එකවර ඉහළ දමද්දී කිසිදු ජනතා නියෝජිතයෙකු බලශක්ති ඇමතිවරයා ඉල්ලා අස්විය යුතු බැයි බලකරමින් මාධ්‍ය හමු නොපවත්වන බවද ගම්මන්පිල මහතා සඳහන් කරනවා.
එදා තමාට ඉල්ලා අස්වන්නැයි බලකර කියා සිටි පොහොට්ටු ලේකම් සාගර කාරියවසම් මහතා ජීවතුන් අතර සිටියේ නම් අද කොපමණ කලබලයක් සිදු කරන්නට ඉඩ තිබුණේදැයි සිතාගත නොහැකි බවද උදය ගම්මන්පිල මහතා ප්‍රකාශ කරනවා.
එදා සුළු ගණනකින් ඉන්ධන මිල ඉහළ යද්දී ඇමතිවරයාට ඉල්ලා අස් වන්නැයි බලකිරීම හා අද විශාල ප්‍රමාණයකින් මිල ඉහළ යද්දී එවැනි කිසිදු බලකිරීමක් නොකිරීම හරහා එදා සාගර කාරියවසම් මහතාගේ කටින් පැන්නේ කාගේ වුවමනාවදැයි හොඳටම පැහැදිලි බවද ඔහු වැඩිදුරටත් පවසනවා.
UN
