වත්මන් ආණ්ඩුව ශ්රී ලංකා පොදුජන පෙරමුණේ මන්ත්රීවරුන් බහුතරයගේ සහාය මත ක්රියාත්මක වුවත් එහි කැබිනට් ඇමති ධුර ලැබී ඇත්තේ පොහොට්ටුවේ දිස්ත්රික් නායකයින් හතර දෙනෙකුට පමණක් බවත් ඒ අනුව මෙය පොහොට්ටුවේ ආණ්ඩුවක් ලෙස හැඳින්විය හැකිද යන ප්රශ්නය තමන්ටත් මතුවන බවත් එම පක්ෂයේ නිර්මාතෘ බැසිල් රාජපක්ෂ මහතා පවසයි.
“අද කැබිනට් මණ්ඩලයේ ඉන්න ඇමතිවරුන්ගෙන් බොහොම කීපදෙනයි මේ පොහොට්ටුවේ සංවිධානවලට, පොහොට්ටු කාර්යාලයට එන්නෙ. මාතර දිස්ත්රික් නායකයා ඉන්නවා, ගාල්ලෙ දිස්ත්රික් නායකයා ඉන්නවා, ගම්පහ දිස්ත්රික් නායකයා ඉන්නවා, රත්නපුරේ දිස්ත්රික් නායිකාව ඉන්නවා. එතකොට කෙහෙළියත් අපට හිටියා, දැන් එයාටත් ඇමතිකම නෑ. ඊට අමතරව තව එක ඇමතිවරයෙක් ඉන්නවා, එයා දිස්ත්රික් නායකයෙක් නෙවෙයි. ඉතින් ඒ වගේ හින්දා හුඟාක් කට්ටිය හිතුවාට මේක අපේ ආණ්ඩුවක් කියලා, අපට තියෙන්නෙ අර එළදෙනගෙ ඉස්සරහා කෑල්ල විතරයි. පස්ස කෑල්ල තියෙන්නෙ වෙන තැනක. මේක අපේ ආණ්ඩුවක්ද කියලා අපටත් සමහර වෙලාවට සැකයි. මම මේ බොහොම අවංකව කියන්නෙ. අද අපේ දිස්ත්රික් නායකයො – උදාහරණයකට අනුරාධපුර දිස්ත්රික්කය, උතුරු මැද පළාතෙන්ම අපේ ඇමතිවරයෙක් නෑ. නැගෙනහිර පළාතෙම අපේ ඇමතිවරයෙක් නෑ. ඌව පළාතේ අපෙ ඇමතිවරයෙක් නෑ. වයඹ පළාතෙ පුත්තලම, කුරුණෑගල දෙකේම අපේ ඇමතිවරයෙක් නෑ. මධ්යම පළාතෙත් දැන් අපේ ඇමතිවරයෙක් නෑ. ඉතින් ඔබතුමාලා කියනවා අපේ ආණ්ඩුවක් කියලා. හැබැයි අපේ ආණ්ඩුවක් නම් පළාත් නවයෙන් පහකම – ඒ කියන්නෙ අපේ මන්ත්රීවරු බහුතරයක් ඉන්න පළාත් පහකම. මොකද උතුරෙත් අපේ නැහැ. එහෙම වුණොත් පහට අමතරවත් තියෙනවා – අපේ මන්ත්රීවරු බහුතරයක් ඉන්න පළාත් පහකම ඇමති ධුරයක් නෑ. ඉතින් කොහොමද ඔබතුමාලා කියන්නෙ අපේ ආණ්ඩුවක් කියලා ?”
බැසිල් රාජපක්ෂ මහතා මේ බව පැවසුවේ සිරස රූපවාහිනී නාලිකාව සමග සම්මුඛ සාකච්ඡාවකට එක්වෙමිනි.
RN
