ගෙවුණු සතිය තුළ විදේශ සේවා නියුක්තිකයන්ගේ ප්‍රේෂණ ලැබීම් 400%කින් ඉහළ ගොස් තිබෙන බව ශ්‍රී ලංකා මහ බැංකු ආරංචි මාර්ග පවසයි.
පසුගිය සතියේ සිට ඩොලරය පාවෙන්නට ඉඩ හැරීම තුළ මෙම ප්‍රතිලාභය අත් වී තිබෙන බවයි මහ බැංකු ආරංචි මාර්ග කියා සිටියේ.
ඒ අනුව මුදල අමාත්‍යවරයා ලෙස බැසිල් රාජපක්ෂ මහතාත් මහ බැංකු අධිපතිවරයා ලෙස අජිත් නිවාඩ් කබ්රාල් මහතාත් විවිධ විවේචන මැද ඩොලරය පාවෙන්නට ඉඩ හැරීමට ගත් තීරණයේ ප්‍රතිලාභ ඉතා කඩිනමින් ලැබෙමින් පවතින බවත් එය රටේ ආර්ථිකයට ඉතා යහපත් ලෙස බලපානු ඇති බවටත් විශ්වාසය පළකරන බවයි එම ආරංචි මාර්ග පවසන්නේ.
එලෙස ප්‍රේෂණ 400%කින් ඉහළ ගොස් තිබෙන බව මහජන බැංකුවේ සහ ලංකා බැංකුවේ ආරංචි මාර්ගද ලංකා නිවුස් වෙබ් වෙත තහවුරු කරන ලදී.