මෙරටට පැමිණ සිටින, ජාත්‍යන්තර මුල්‍ය අරමුදලේ ආසියා පැසිෆික් අධ්‍යක්ෂ චැංග්යොංග් රේ මහතා අද පස්වරුවේ මුදල් අමාත්‍ය බැසිල් රාජපක්ෂ මහතා හමු වී තිබෙනවා. මෙම හමුව සඳහා මුදල් අමාත්‍යංශය ලේකම් එස්.ආර්. ආටිගල මහතාද එක්ව සිටි බවයි වාර්තා වන්නේ.
IMF ප්‍රධානියා හෙට දිනයේදී ජනාධිපති ගෝඨාභය රාජපක්ෂ මහතා හමුවීමට නියමිතව තිබෙන අතර මෙරට මුහුණ දෙමින් සිටින ආර්ථික අර්බුදය සම්බන්ධයෙන් ජාත්‍යන්තර මුල්‍ය අරමුදලේ ඇගයීම පිළිබඳව ජනාධිපති ගෝඨාභය රාජපක්ෂ මහතා දැනුවත් කිරීම මෙම හමුවේ මූලික අරමුණයි.
ශ්‍රී ලංකාවෙන් මේ දක්වා මුල්‍ය ආධාර සඳහා ඉල්ලීමක් ලැබී නොමැති බවත්, එවැනි ඉල්ලීමක් ලදහොත් ඒ සඳහා ඇති විකල්ප සාකච්ඡා කිරීමට සූදානම් බවත් IMF ප්‍රධානියා සඳහන් කරනවා.
UN