සටහන – රෂිකා හෙන්නායක
මාර්තු 21, කොළඹ (LNW): ඉදිරි ජනාධිපතිවරණයට උත්තර ලංකා සභාගය සහ තවත් දේශපාලන කණ්ඩායම් කිහිපයක් එක් වී අපේක්ෂකයකු ඉදිරිපත් කිරීමට තීරණය කර ඇත.
ජාතික නිදහස් පෙරමුණේ නායක විමල් වීරවංශ පැවැසූවේ, වත්මන් ජනාධිපතිවරයා මුලින් පවත්වන්නේ ජනාධිපතිවරණය බවට කැබිනට් මණ්ඩලයට ප්‍රකාශ කර ඇති බවද ඒ අනුව ඒ සඳහා තම දේශපාලන සන්ධානය යටතේ අපේක්ෂකයකු ඉදිරිපත් කරන බවයි.
වර්තමාන ජනාධිපතිවරයා සමඟ කිසිදු සාකච්ඡාවකට ඉදිරියේ සහභාගි නොවන බවද ඔහු සමඟ කරන්නට කිසිදු සාකච්ඡාවක් ඉතිරි වී නැති බවද විමල් වීරවංශ මන්ත්‍රිවරයා පැවැසීය.
