යුක්රේන අර්බුදය විසඳා ගැනීම සඳහා ප්රංශ ජනාධිපති එමැනුවෙන් මැක්රෝන් සහ රුසියානු ජනාධිපති ව්ලැදිමීර් පුටින් අතර සාකච්ඡාවක් පවත්වා තිබෙනවා. දුරකතන මාර්ගයේ මෙම සාකච්ඡාව පැවැත්වූයේ ප්රංශ ජනාධිපතිවරයාගේ ඉල්ලීමකට අනුවයි.
යුක්රේනය සහ රුසියාව අතර හටගෙන ඇති යුදමය අර්බුදය සාකච්ඡා මාර්ගයෙන් විසඳා ගැනීම සඳහා ප්රංශ ජනාධිපතිවරයා මැදිහත්කරුවෙකු ලෙස කටයුතු කරන අතර ඔහු පුටින්ගෙන් ඉල්ලා තිබෙන්නේ යුක්රේන වැසියන්ගේ ආරක්ෂාව තහවුරු කරන ලෙසයි. දෙපාර්ශ්වය අතර සටන් විරාමයක් පිළිබඳවද අවධානය යොමුව තිබේ.
රුසියානු ප්රහාර හමුවේ මේ වනවිට මයුරිපෝල් නගරය සම්පූර්ණයෙන්ම විනාශ වී ඇති බවයි යුක්රේන ජනාධිපති වොලොදිමීර් සෙලෙන්ස්කි පවසන්නේ. කෙසේ නමුත් මේ වනවිටත් එම නගරයේ ලක්ෂයකට ආසන්න ප්රමාණයක් ජනතාව රැඳී සිටින අතර ඔවුන්ට ආහාර, ජලය, ඖෂධ වැනි මූලික පහසුකම් හෝ නොමැති බවයි ජනාධිපතිවරයා ජාත්යන්තර මාධ්ය වෙත ප්රකාශ කර තිබෙන්නේ.
UN
