සටහන – රෂිකා හෙන්නායක
මැයි 21, කොළඹ (LNW): ලෙඩ නිවාඩු දමා බන්ධනාගාර නියාමකයින් පිරිසක් සේවයට නොපැමිණීම සම්බන්ධයෙන් විනය පරීක්ෂණයක් සිදු කරන බව බන්ධනාගාර දෙපාර්තමේන්තුව කියාඅ සිටී.
ඇතැම් අය ඊයේ දිනයේ අධිකරණ කටයුතුවලින්ද ඉවත්ව සිටි බව බන්ධනාගාර කොමසාරිස් පරිපාලන ගාමිණි බි. දිසානායක මහතා සඳහන් කළේය. ඊයේ (20) දිනයේ සිට දිවයිනේ ප්‍රධාන බන්ධනාගාරවල නිලධාරීන් වෘත්තීය සමිති ක්‍රියාමාර්ගයකට පිවිස ඇති අතර, බන්ධනාගාර නිලධාරී එකමුතුව නිවේදනයක් නිකුත් කරමින් පැවසුවේ, වැටුප් විෂමතා සඳහා විසඳුම් ලබා දෙන්නැයි ඉල්ලමින් මෙම ක්‍රියාමාර්ගය ගත් බවයි.
මෙම ගැටළුව සම්බන්ධයෙන් අමාත්‍යවරයා සමග සාකච්ඡා කර කැබිනට් පත්‍රිකාවක් යොමුකර ඇති බව බන්ධනාගාර කොමසාරිස් ජනරාල් තුෂාර උපුල්දෙණිය මහතා පැවසුවේය.
