කොළඹ LNW:එක්සත් ජාතික පක්ෂයේ මහ ලේකම් පාලිත රංගේ බණ්ඩාර කළ ප්‍රකාශය හරහා පරාජය පිළිගෙන තිබෙන අතර මේ වන විට එම කතාවට ආශු මාරසිංහ මහතාද පොහොර දමමින් තිබෙන නමුත් පක්ෂයේ නායකයා ලෙස ජනාධිපතිවරයා වචනයක් හෝ නොකියන බව ජාතික ජන බලවේගයේ පාර්ලිමේන්තු මන්ත්‍රී ආචාර්ය හරිනි අමරසූරිය පැවසුවාය.
ඇය මේ බව සඳහන් කළේ ඊයේ (31)පස්වරුවේ මත්තේගොඩ ප්‍රදේශයේ පැවති ජනහමුවක් අමතමිනි.
”කිසිදා මැතිවරණ දිනපු නැති අය ජන්ද වලට බයයි. එකක් කියන්න ඕන මාමගේ කාලේ ඒවා දැන් බෑ.මාම දාපු සෙල්ලම් දැන් ඉන්න ජනතාව එක්ක බෑ.88 දාපු සෙල්ලම් දැන් දාන්න බෑ.රංගෙ කියනවා සදුදා කියන්නම් කියලා මම හිතන්නේ සදුදා වෙනකම් ව්‍යවස්තාව කියවනවා ඇති. පොඩි හරි සදාචාරයක් තියෙනවානම් යථාර්තයට මුහුණ දී පරාජයට සූදානම් වෙන්න” යනුවෙන් මන්ත්‍රීවරිය තවදුරටත් ප්‍රකාශ කරන ලදී.
ආශිකා බ්‍රාහ්මණ
