ජනතාව දැඩි පීඩනයක සිටින අවස්ථාවක IOC සමාගම විසින් ඉන්ධන මිල යළි ඉහළ දැමීම ගැන විරෝධය පළකරන අතර මේ මොහොතේ ඛනිජ තෙල් සංස්ථාව මිල ඉහළ නොදැමුවද ලෝක වෙළෙඳපොලේ බොරතෙල් මිල ඉහළ ගොස් ඇති පසුබිමක මිල සූත්‍රය ක්‍රියාත්මක වූයේ නම් මේ වන විට ඉන්ධන මිල කොතෙක් දුරට ඉහළ ගොස් ඇත්ද යන්න ජනතාවට හෙළි කරන ලෙස පොදුජන ප්‍රගතිශීලි සේවක සංගමයේ ඛනිජ තෙල් සංගමයේ ඛනිජ තෙල් ශාඛාවේ සභාපති බන්දුල සමන් කුමාර මහතා පැවසුවේය.
ඒ, අද (26) පෙරවරුවේ මාධ්‍ය වෙත ප්‍රකාශයක් ලබා දෙමිනි.
ඛනිජ තෙල් නීතිගත සංස්ථාවද පසුගියදා මිල ඉහළ දැමුවද එය පිරිවැය සමාන්තර මිල වැඩි වීමක් නොවන බවද ඔහු කියා සිටියේය.
මේ මොහොතේ රටේ පවතින තත්ත්වය අනුව ලෝක වෙළෙඳපොලේ ඉන්ධන මිල ඉහළ ගියද රට තුළ ඉන්ධන මිල වැඩි වීමක් තවදුරටත් දරාගත නොහැකි බවයි ඔහු පෙන්වා දුන්නේ.
IOC සමාගම සිදුකරන්නේ මෙලෙස මිල වැඩි කර ඉන්ධන අලෙවියෙන් ඇත්වී ඔවුන්ට වැඩ ලාභදායි නැව් තෙල් සැපයීම,ලිහිසිතෙල් සහ තාර බවත් නමුත් සංස්ථාව තුළ එම අංශ වලට සිදුව ඇති දේ මේ මොහොතේදී හෝ කල්පනා කළ යුතුව ඇති බවද බන්දුල සමන්කුමාර මහතා අවධාරණය කරන ලදී.
ASK
