කොළඹ LNW: මෙරට දේශපාලනයේ දැවැන්තම සන්ධානය නුරුරේදී ගොඩනැගීමට නියමිතව බව දේශපාලන ආරංචි මාර්ග අවධාරණය කර සිටියි.
රට බංකොලොත් කළ බවට ශ්රේෂ්ඨාධිකරණයෙන් පවා තීන්දු කළ ආර්ථික ඝාතකයින්ගේ තක්කඩි ජුන්ටාවෙන් තොර ආර්ථික සමෘද්ධිය මතින් ජන ජීවිතය නගාසිටුවන,ජාතික සංහිඳියාව හා දුෂණයෙන් තොර රටක් උදෙසා ප්රජාතන්ත්රවාදී බලවේගයක් ලෙස එය ගොඩනගන බවයි එම ආරංචි මාර්ග සඳහන් කරන්නේ.
මෙම නව බලවේගය සඳහා පාර්ලිමේන්තුව නියෝජනය කරන බහුතර පක්ෂ නායකයින්, මන්ත්රී කණ්ඩායම් මෙන්ම මේ වන විට ප්රධාන විපක්ෂය ලෙස සිටින සමඟි ජන බලවේගයේ ජ්යෙෂ්ඨ නායකයින් කිහිපදෙනෙක් ද එකතු වීමට නියමිත බව වාර්තා වුණි.
ඒ සඳහා වන සාකච්ජාවක්ද පසුගියදා කොළඹදී පවත්වා තිබේ.
ඉදිරියේදී ගොඩනැගෙන මෙම දැවැන්ත සන්ධානයේ ව්යවස්ථාව කෙටුම්පත් කර අවසන් කිරීමට එම සාකච්ජාවේදී තිදෙනකුන් යුත් කණ්ඩායමක් පත් කර තිබෙන අතර එළඹෙන ජනාධිපතිවරණයට මුහුණ දීමට උපාය මාර්ගික සැලැස්ම,දේශපාලන වැඩ පිළිවෙළ හා ආර්ථික ප්රතිපත්ති මාලාව කෙටුම්පත් කර අවසන් කිරීමටද තීන්දු කර ඇත.
මේ අතර එක්සත් ජාතික පක්ෂය විසින් ගොඩනගන පුළුල්ම සන්ධානය ගැන තව සති දෙකකින් දැන ගත හැකි බවද පසුගියදා එජාප ජාතික ලේකම් හිටපු මුදල් අමාත්ය රවී කරුණානායක මහතාද පවසා තිබුණි.
දේශපාලන පක්ෂ නායකයින් ඇතුළු බොහෝ කණ්ඩායම් ඊට එක්වීමට නියමිත බවයි හිටපු අමාත්යවරයා ද පවසා තිබුණේ.
