සටහන – රුවන් නෙළුගොල්ල
කර්මාන්ත අංශයේ විදුලි බිල් 25% කින් අඩුකිරීමට සාපේක්ෂව සහල් මිලත් අඩුකිරීමට බලාපොරොත්තු වන බව සුළු හා මධ්‍ය පරිමාණ වී මෝල් හිමියන්ගේ සංගමය පවසයි.
ඒ අනුව රුපියල් 210ක් වන නාඩු සහල් කිලෝවක මිල රුපියල් 200 ට අඩු මට්ටමකට ගෙන ඒමට උත්සාහ කරන බවයි එම සංගමයේ සභාපති යූ. කේ. සේමසිංහ මහතා සඳහන් කළේ.
විදුලි බිල් අඩුකිරීම නිසා සහල් නිෂ්පාදන පිරිවැය අඩුවුණු බව පැවසූ ඒ මහතා එම වාසිය අනිවාර්යයෙන්ම ජනතාවට ලැබිය යුතු බවත් ප්‍රකාශ කළේය.
එහෙයින් ඉදිරි සතිය තුළ සහල් මිල අඩුකිරීමට කටයුතු කරන බව ඒ මහතා වැඩිදුරටත් පැවසීය.
