සටහන – රුවන් නෙළුගොල්ල
කොළඹ, ග්‍රෑන්ඩ්පාස්, වදුල්ලවත්ත ප්‍රදේශයේදී ඊයේ (25) සවස සිදුවූ වෙඩිතැබීමකින් පුද්ගලයකු මරණයට පත්ව තිබේ.
වෙඩි වැදීමෙන් බරපතළ තුවාල ලැබූ කාන්තාවක් කොළඹ ජාතික රෝහලට ඇතුළත් කර ඇත.
මෙසේ මියගොස් ඇත්තේ මාතර ප්‍රදේශයේ පදිංචි 31 හැවිරිදි පුද්ගලයෙකු වන අතර තුවාල ලැබූ කාන්තාව ඔහුගේ ඥාතියෙකු වන 56 හැවිරිදි අයෙකු බව සඳහන්.
ඔවුන් දෙදෙනා ත්‍රීරෝද රථයකින් බේස්ලයින් පාරේ සිට වදුල්ලවත්ත ප්‍රදේශයට ගමන් කරමින් සිටියදී වෙඩි ප්‍රහාරයට ලක්ව ඇත.
යතුරු පැදියකින් පැමිණි නාඳුනන පුද්ගලයින් දෙදෙනෙකු විසින් මෙම වෙඩිතැබීම සිදුකර ඇති අතර වෙඩිතැබීම සඳහා රිවෝල්වර් වර්ගයේ ගිනිඅවියක් භාවිතා කර ඇති බවයි පොලීසිය පවසන්නේ.
ග්‍රෑන්ඩ්පාස් පොලීසිය වැඩිදුර විමර්ශන සිදුකරයි.
