සටහන – රුවන් නෙළුගොල්ල
ජනාධිපති රනිල් වික්‍රමසිංහ මහතාට සහාය පළකිරීම සඳහා ශ්‍රී ලංකා පොදුජන පෙරමුණේ මන්ත්‍රීවරුන් විශාල පිරිසක් එකතුවනු ඇති බව අමාත්‍ය බන්දුල ගුණවර්ධන මහතා පවසයි.
ප්‍රශ්නය – ඇත්තටම පොදුජන පෙරමුණ නියෝජනය කරන මන්ත්‍රීවරු, ඇමතිවරු කීදෙනෙක් ජනාධිපතිතුමාට සහාය දෙන්න තීරණය කරලා තියෙනවාද ?
“ඒක ජනාධිපතිවරණය අවස්ථාව වනවිට බලාගත හැකියි. විශාල ප්‍රමාණයක පිරිසක් මගේ දැනීමේ හැටියට ඉන්නවා. අපි කැබිනට් අමාත්‍යවරුන් වශයෙන් මමත් ප්‍රසන්න රණතුංග අමාත්‍යතුමාත් රමේෂ් පතිරණ අමාත්‍යතුමාත් කංචන විජේසේකර අමාත්‍යතුමාත් බොහොම පැහැදිලිව ජනාධිපතිතුමාට සහාය දෙන බව එම පක්ෂයට දැනුම් දුන්නා. ඒ පක්ෂය තවත් යෝජනාවක් සම්මත කළා පොහොට්ටුවේ අපේක්ෂකයාට සහාය නොදෙන අයට විනයානුකූලව පක්ෂය විසින් කටයුතු කරනවා කියලා. ඒ යෝජනාවට අපිත් පක්ෂ වුණා. සියලු දෙනා ඒකමතිකව ඒ යෝජනාවත් සම්මත කළා. එහෙමනෙ නිරෝගී ප්‍රජාතන්ත්‍රවාදය දේශපාලන ක්‍රියාවට එන්නෙ”
බන්දුල ගුණවර්ධන මහතා මේ බව පැවසුවේ අද (30) පැවති කැබිනට් තීරණ දැනුම්දීමේ මාධ්‍ය හමුව අමතමිනි.
