සටහන – රුවන් නෙළුගොල්ල
ශ්‍රී ලංකා පොදුජන පෙරමුණ ගම්පහ, මාතර සහ අනුරාධපුර යන දිස්ත්‍රික්ක තුන සඳහා අලුතින් මෙහෙයුම් ප්‍රධානීන් පත්කර තිබේ.
ඒ, එම දිස්ත්‍රික්කවල නායකයින් ලෙස කටයුතු කළ ප්‍රසන්න රණතුංග, කංචන විජේසේකර සහ එස්. එම්. චන්ද්‍රසේන යන මැති ඇමතිවරුන් ජනාධිපති රනිල් වික්‍රමසිංහ මහතාට සහාය පළ කරමින් ඒ මහතාගේ මැතිවරණ ව්‍යාපාරයට එක්වීම හේතුවෙනි.
ඒ අනුව ගම්පහ දිස්ත්‍රික්කය සඳහා රාජ්‍ය අමාත්‍ය ඉන්දික අනුරුද්ධත් මාතර දිස්ත්‍රික්කය සඳහා පාර්ලිමේන්තු මන්ත්‍රී නිපුන රණවකත් අනුරාධපුර දිස්ත්‍රික්කය සඳහා පක්ෂයේ ජාතික සංවිධායක නාමල් රාජපක්ෂත් නව මෙහෙයුම් ප්‍රධානීන් වශයෙන් පත්කර ඇත.
