සටහන: සශිකලා මධුෂාණි,
අගෝස්තු 05, ලෝකය (අවුට්බවුන්ඩ් ටුඩේ) : පසුගිය සතියේ ටෙහෙරානයේ දී හමාස් දේශපාලන නායක ඉස්මයිල් හනියේ ඝාතනයට ප්‍රතිචාර වශයෙන් සෘජුවම ඊශ්‍රයලයට ප්‍රහාර එල්ල කරන බවට ඉරානයේ උත්තරීතර නායක කමෙනි ප්‍රකාශ කිරීමෙන් පසු මෙම ගැටුම වැලැක්වීම සඳහා ජෝර්දානයේ විදේශ අමාත්‍ය අයිමන් සෆාඩි ඉරානයේ සංචාරයක නිරතව ඇති බව වාර්තා වේ.
ඝාතනයට තීරණාත්මක ප්‍රතිචාරයක් දක්වන බවට ඉරානය ප්‍රකශ කර ඇති බැවින් මෙම සංචාරය සර්ථක වන්නට ඇති ඉඩකඩ අඩු නමුත් අයිමන් සෆාඩි ඉරානයේ ප්‍රධාන නිලධාරීන් හමුවීමට අපේක්ෂා කෙරේ,
විදේශ අමාත්‍යවරයා මෙහිදී පැහැදිලිවම හනියේගේ ඝාතනය හෙලා දැක ඇති අතර එය ජාත්‍යන්තර නීතිය සහ මානුෂීය නීතිය උල්ලංඝනය කිරීමක් සහ රාජ්‍ය ස්වෛරීභාවය උල්ලංඝනය කිරීමක් සංස්ථාපිත කරන දරුණු අපරාධයක් සහ උත්සන්න කිරීමේ පියවරක් ලෙස හඳුන්වා තිබේ.
සෆාඩි සමඟ පැවති හමුවකදී ඉරාන ජනාධිපති Masoud Pezeshkian කියා තිබුණේ, හනියේගේ ඝාතනය සියොන්වාදී පාලන තන්ත්‍රය කරන ලද බරපතල වරදක් බවත් එයට පිළිතුරු ලැබෙන බවත්ය.
ඉරාන ප්‍රහාරයක් එල්ල වුවහොත් ඊශ්‍රායලය ආරක්ෂා කිරීමට අමෙරිකාව යුද නෞකා සහ ප්‍රහාරක ජෙට් යානා කලාපය වෙත ගෙන ගොස් ඇති අතර ධවල මන්දිරයේ නියෝජ්‍ය ජාතික ආරක්ෂක උපදේශක ජෝන් ෆයිනර් ABCපුවත් ඒජන්සියට සඳහන් කර තිබුණේ, මෙම තත්වය සිදු නොවීමට කළ හැකි සෑම දෙයක්ම කරන බවයි.
එක්සත් ජනපද රාජ්‍ය ලේකම් ඇන්ටනි බ්ලින්කන් ඉරාක අගමැති මොහොමඩ් ෂියා අල්-සුඩානි සමඟ දුරකතනයෙන් කතා කර ඇති අතර ප්‍රාදේශීය ආතතීන් සමනය කිරීමට සියලු පාර්ශව පියවර ගැනීමේ වැදගත්කම අවධාරණය කර තිබේ.
