රෂිකා හෙන්නායක අගෝස්තු 22, කොළඹ (LNW):
දිගින් දිගටම ඇදහැලෙන වර්ෂාව සමඟ ඇති වූ ගංවතුර තත්ත්වයෙන් පුත්තලම දිස්ත්රික්කයේ පවුල් 2418 ක පුද්ගලයින් 8582 පීඩාවට පත්ව ඇති බව පුත්තලම ආපදා කළමනාකරණ මධ්යස්ථානය සඳහන් කරයි .
හලාවත , මාදම්පේ සහ පුත්තලම යන ප්රාදේශීය ලේකම් කොට්ඨාසවලට මින් වැඩි බලපෑමක් එල්ල වී ඇති බවත්, හැමීල්ටන් ඇළ නාත්තන්ඩියා ප්රදේශයෙන් පිටාර ගැලීම හේතුවෙන් නාත්තන්ඩිය දංකොටුව මාර්ගය ජලයෙන් යටවීම නිසා එහි ගමනා ගමනයට දැඩි බාධා එල්ල වී තිබෙන බවත් එම මධ්යස්ථානය පවසයි.
තව දුරටත් වාර්තා වන්නේ, අතුරු මාර්ග රැසක් ද ජලයෙන් යටවීම හේතුවෙන් ඇතැම් මර්ග වල ගමනා ගමනය මුළුමනින්ම ඇනහිට තිබෙන බවයි.
