රෂිකා හෙන්නායක අගෝස්තු 31 , කොළඹ (LNW):
හෙට (01) සිට ඔක්තෝබර් මස 31 වනදා දක්වා ,එක්සත් අරාබි එමීර් රාජ්යයේ නීතිවිරෝධිව රැඳි සිටින පුද්ගලයින්ට එරටින් පිටවීම සඳහා මාස දෙකක පොදු සමා කාලයක් ලබාදී තිබෙන බව , ශ්රී ලංකා විදේශ සේවා නියුක්ති කාර්යංශය පැවසුවේය.
එරට පුද්ගලයින් ලියාපදිංචි කිරිමේ, රේගු හා වරාය ආරක්ෂණය සදහා වන අධිකාරිය විසින් මෙම පියවර ගෙන ඇති බව වාර්තා වෙයි.
සේවා යෝජකයාගේ නීත්යානුකූල අවසරයකින් තොරව සේවා ස්ථානයෙන් බැහැරව සිටින්නන්ට සහ වලංගු විසා නොමැතිව සිටින පුද්ගලයින්ට මෙම පොදු සමා කාලය තුළ කිසිඳු දඩ මුදලකට යටත් නොවී හෝ වෙනත් නෛතික අවහිරතාවයකට ලක් නොවී, එරටින් බැහැරවීමට හෝ අදාළ විසා ඇතුලු ලියකියවිලි නීත්යානුකුලව සකසා ගැනිමට අවස්ථාව හිමිවෙයි. පොදු සමා කාලය තුළදි විසා නීත්යානුකුලව සකසා ගැනිමට හෝ යළි ශ්රී ලංකාවට පැමිණීමට අවශ්ය කටයුතු සිදුකර ගන්නා ලෙස ශ්රී ලංකා විදේශ සේවා නියුක්ති කාර්යාංශය එක්සත් අරාබි එමීර් රාජ්යයේ නීතිවිරෝධී ලෙස රැදි සිටින ශ්රී ලාංකිකයින්ගෙන් ඉල්ලීමක් කර ඇති බව පැවසේ.