රෂිකා හෙන්නායක සැප්තැම්බර් 01, ලෝකය (අවුට්බවුන්ඩ් ටුඩේ):
පලස්තීනයේ බටහිර ඉවුරේ ජෙනින් ප්රදේශය ඉලක්ක කර ගනිමින් ඊශ්රායලය යුද මෙහෙයුම් ක්රියාත්මක කර තිබෙන විදෙස් මාධ්ය වාර්තා කරයි.
බටහිර ඉවුරේ ජෙනින් ප්රදේශයේ පිහිටා ඇති අවතැන් කඳවුරුවලට විදුලි බලය හෝ පානීය ජලය නොමැති බව වාර්තා වන අතර, බටහිර ඉවුරේ ප්රදේශ රැසකට විදුලි බලය , අන්තර්ජාල පහසුකම් ආහාර හෝ ජලය නොමැති බව ද ජගත් සංවිධානය නිවේදනය කරයි.
ජගත් සංවිධානය සඳහන් කරන්නේ, පොලියෝ එන්නත් ලබාදීම සඳහා ගාසා තීරයේ සටන් විරාමයක් ක්රියාත්මක කෙරෙන අතරතුර බටහිර ඉවුර ඉලක්ක කර ගනිමින් යුද මෙහෙයුම් සිදුකිරීම දැඩිව හෙළා දකින බවයි. පසුගිය පැය 24 තුළ දී පමණක් ඊශ්රායල ප්රහාරයන්ගෙන් පලස්තීන වැසියන් 61ක් දෙනෙකු ජීවිතක්ෂයට පත්ව තිබෙන බව වාර්තා වේ.
