සටහන – රුවන් නෙළුගොල්ල
සැප්තැම්බර් 22 වනදා ජනාධිපතිවරණ සමස්ත ප්‍රතිඵලය නිකුත් වූ පසු තමන් ක්ෂණිකව ජනාධිපති ධුරයෙහි දිවුරුම් දී ඉතා ක්ෂණිකව පාර්ලිමේන්තුව විසුරුවා හරින බව ජාතික ජන බලවේගයේ ජනාධිපතිවරණ අපේක්ෂක අනුර කුමාර දිසානායක මහතා පවසයි.
“මේ රට සැප්තැම්බර් 21 වෙනිදා අපට බාරදෙන්න. අපි එකින් එක මේක වෙනස් කරන්න පටන් ගන්නම්. ඉස්සෙල්ලාම සැප්තැම්බර් මාසෙ 22 වෙනිදා ප්‍රතිඵල එනවා. එක පැයක් මඟ හරින්නෙ නෑ, ක්ෂණිකව අපි දිවුරුම් දීලා ඉතා ක්ෂණිකව පාර්ලිමේන්තුව විසුරුවා හරිනවා. මොකද තවදුරටත් මේ හොරුන්ට, වංචාකාරයන්ට, අපරාධකාරයින්ට මේ පාර්ලිමේන්තුවේ එක දිනක්වත් ඉන්න ඉඩදෙන්නෙ නෑ”
අනුර කුමාර දිසානායක මහතා මේ බව පැවසුවේ ඊයේ (09) තඹුත්තේගමදී පැවති ජන හමුවක් අමතමිනි.
