සටහන – රුවන් නෙළුගොල්ල
අධිකරණයට අපහාස කිරීම සම්බන්ධයෙන් ආගමන විගමන පාලක ජනරාල් හර්ෂ ඉලුක්පිටියට එරෙහිව චෝදනා පත්ර ගොනුකරන ලෙස ශ්රේෂ්ඨාධිකරණය අද (13) නියෝග කර තිබේ.
ඒ, විද්යුත් වීසා ක්රමවේදය ක්රියාත්මක කිරීම වළක්වාලමින් ඉකුත්දා ශ්රේෂ්ඨාධිකරණය විසින් දුන් අතුරු නියෝගය ක්රියාත්මක නොවීම සම්බන්ධයෙන් ඉදිරිපත් කළ මෝසමක් සලකා බැලූ අවස්ථාවේදී ය.
විද්යුත් වීසා ක්රමය යටතේ වීසා නිකුත් කිරීම අත්හිටුවීමට ලබාදී ඇති අතුරු නියෝගය අනුව කටයුතු කිරීමේදී ප්රායෝගික ගැටලු පවතින බවට ආගමන විගමන පාලකවරයා කර ඇති දැනුම් දීමක් අනුව ඔහු අධිකරණ නියෝගයක් උල්ලංඝනය කර ඇති අතර එයින් අධිකරණයට අපහාසයක් සිදුකර ඇති බව ශ්රේෂ්ඨාධිකරණ විනිසුරු මඬුල්ල පෙන්වා දී ඇත.
පැමිණිල්ල ලබන 25 වනදා යළි කැඳවන ලෙසත් විනිසුරු මඬුල්ල විසින් නියම කරන ලදී.
