කොළඹ LNW:2024 ජනාධිපතිවරණයේ නිරීක්ෂණ කටයුතු සඳහා ජාත්‍යන්තර මැතිවරණ නිරීක්ෂණ සංවිධානවල නියෝජිතයින් 116 දෙනෙකු දිවයිනට පැමිණ සිටිති.
ඉන් 78 දෙනෙක් යුරෝපා සංගම් මැතිවරණ නිරීක්ෂකයින් බවයි ජාතික මැතිවරණ කොමිෂන් සභාව සඳහන් කළේ.
මේ අතර පොදු රාජ්‍ය මණ්ඩලීය නිරීක්ෂකයින් 22 දෙනෙකු ද මැතිවරණ නිරීක්ෂණය සඳහා එක්ව සිටින අතර ආසියානු මැතිවරණ නිරීක්ෂණ ජාලය නියෝජනය කරමින් නිරීක්ෂකයින් 09 දෙනෙකු පැමිණ තිබේ.
මැතිවරණ කොමිසමේ ආරාධනය මත දකුණු ආසියානු කලාපීය රටවල නියෝජිතයින් 7 දෙනෙකු ද මෙවර මැතිවරණ නිරීක්ෂණ ක්‍රියාවලිය සඳහා
පැමිණ සිටිති.
මෙම මැතිවරණ නිරීක්ෂකයින් දිවයිනේ දිස්ත්‍රික්ක 25 තුළම නිරීක්ෂණ කටයුතු සිදුකරන අතර ඊට අවශ්‍ය ආරක්ෂාව ඇතුළු පහසුකම් ද නිසි පරිදි ලබා දී තිබෙන බව මැතිවරණ කොමිසම පවසයි.
ආශිකා බ්‍රාහ්මණ
