කොළඹ LNW:09 වැනි විධායක ජනාධිපතිවරයා තෝරාපත් කර ගැනීම සඳහා වන ජන්ද විමසීම මේ වන විට අවසන්ව තිබේ.
පෙරවරු 07.00 සිට පස්වරු 04.00 දක්වා කාලය තුළ ජන්දය විමසීම සිදුකළ අතර ඊළඟ අදියර ලෙස ජන්ද පෙට්ටි ගණන් කරන මධ්‍යස්ථාන වෙත රැගෙන යාම සිදුකරයි.
ජන්ද මධ්‍යස්ථාන 13421කදී මෙම ජන්ද විමසීම සිදුකරන ලද අතර ඉතා උද්යෝගයෙන් ජනතාව ඊට සහභාගී වන ආකාරය දක්නට තිබුණි.
ලියාපදිංචි ඡන්ද දායකයින් ගණන 17,140,354කි.
ඒ අනුව දිවයිනේ සියලුම ජන්ද ගණන් කරන මධ්‍යස්ථානවලදී එම කටයුත්ත රාත්‍රී 08ත් 09ත් අතර ආරම්භ කිරීමට හැකිවනු ඇති බවයි මැතිවරණ කොමිසම පවසන්නේ.
දිවයිනේ පිහිටි ගණන්කිරීමේ මධ්‍යස්ථාන 429ක තැපැල් ඡන්ද ගණනය කිරීම සිදුවෙන අතර එම කටයුතු ප.ව. 4ට ආරම්භ කිරීමට නියමිතයි.
සාමකාමී ලෙස ජන්ද විමසීම සිදුවූ අතර ජන්ද ප්‍රතිඵල නිකුත් කිරීමට තිබෙන ඉදිරි කාලය තුළ ද සාමකාමී ලෙස කටයුතු කරන ලෙසත් ජයග්‍රහණයත් සාමකාමී ලෙස සමරන ලෙසත් දේශපාලන පක්ෂ ජනතාවගෙන් ඉල්ලා සිටියි.
ආශිකා බ්‍රාහ්මණ
