කොහෙන් කොහෙන් හරි මැට්ටෝ ටිකක් එකතු කරලා ඔළු ගෙඩි 113ක් පෙන්වා කැබිනට්ටුවක් අටවලා එයින් ජනතාවගේ දැවෙන විරෝධය සමනය කළ නොහැකි බව පාර්ලිමේන්තු මන්ත්රී විමල් වීරවංශ මහතා පැවසුවේය.
ඒ, අද පක්ෂ 11 එකමුතුව විසින් කොළඹදී පැවැත්වූ මාධ්ය හමුවේදීය.
එවැනි මෝඩ වැඩවලට පක්ෂ 11 සම්බන්ධ නොවන අතර රටේ පවතින අරාජිකත්වය විසඳා ගැනීමට සද්භාවයෙන් ඉදිරිපත් කළ යෝජනා තේරුම් නොගෙන පරණ තාලේටම නම් මේ ප්රශ්නය විසඳා ගැනීමට යන්නේ එය කළ නොහැකි බවයි මන්ත්රීවරයා සඳහන් කළේ.
මේ වන විට රටේ තරුණ දරුවන් ඉල්ලා සිටින්නේ සම්පූර්ණයෙන්ම දේශපාලන පරිවර්තනයක් බවද හෙතෙම කියා සිටියේය.
මේ අතර දේශපාලන පාපිස්සකට ගත යුතු හිටපු මුදල් ඇමති බැසිල් රාජපක්ෂ තවදුරටත් මේ දේශපාලනය අතහැරීමට සූදානමක් නැති අතර පක්ෂ 11 නියෝජිතයින් බිලී බා ගැනීමට දැඩි උත්සාහයක නිරත වෙමින් සිටින බවයි මන්ත්රීවරයා මෙහිදී අනාවරණ කළේ.
ASK
