සටහන – රුවන් නෙළුගොල්ල
රජයේ රස පරීක්ෂක තනතුර සඳහා සන්ධ්යා කුමුදුනී රාජපක්ෂ මහත්මිය පත් කිරීමට කැබිනට් මණ්ඩලයේ අනුමැතිය හිමිව තිබේ.
රජයේ රස පරීක්ෂක ලෙස සේවය කළ දීපිකා සෙනෙවිරත්න මහත්මිය ඔක්තෝබර් 11 වනදා සිට විශ්රාම ගොස් තිබිණි.
ඒ අනුව පුරප්පාඩු වී ඇති එකී තනතුර සඳහා ශ්රී ලංකා විද්යාත්මක සේවයේ විශේෂ ශ්රේණියේ නිලධාරින්ගේ ජ්යෙෂ්ඨතා ලේඛනය අනුව මීළඟට ඉහළම ජ්යෙෂ්ඨතාව හිමි, දැනට රජයේ අතිරේක රස පරීක්ෂක තනතුරෙහි සේවය කරනු ලබන ශ්රී ලංකා විද්යාත්මක සේවයේ විශේෂ ශ්රේණියේ නිලධාරිනි පතිරගේ සන්ධ්යා කුමුදුනී රාජපක්ෂ මහත්මිය පත් කිරීම පිණිස අධිකරණ, රාජ්ය පරිපාලන, ස්වදේශ කටයුතු, පළාත් සභා, පළාත් පාලන සහ කම්කරු අමාත්ය වශයෙන් අග්රාමාත්යතුමිය ඉදිරිපත් කළ යෝජනාව කැබිනට් මණ්ඩලය විසින් අනුමත කර ඇත.
