කොළඹ LNW: ණය නොගෙන රජයේ කටයුතු පවත්වාගෙන යාමට බලයට පත්වෙන කිසිදු රජයකට හැකියාවක් නැති බව කොළඹ විශ්ව විද්‍යාලයේ ආර්ථික විද්‍යා අධ්‍යනාංශයේ මහාචාර්ය ප්‍රියංග දුනුසිංහ මහතා පවසයි.
7%ක 8%ක අයවැය හිඟයක් පියවාගැනීමට මේ වසරේදී ණය ගැනීමට සිදුවෙන බවයි දුනුසිංහ මහතා සඳහන් කරන්නේ.
”බලයට පත්වෙන කිසිදු රජයකට හැකියාවක් නැහැ ණය ගන්නේ නැතුව රජයේ කටයුතු පවත්වාගෙන යන්න. රජයේ වියදම සාමාන්‍යයෙන් දළ දේශීය නිෂ්පාදිතයේ ප්‍රතිශතයක් විදිහට 19%ක විතර තියෙන අවස්ථාවකදී රජයේ ආදායම තියෙන්නේ දළ දේශීය නිෂ්පාදිතයේ ප්‍රතිශතයක් විදිහට 11%ක විතර මට්ටමක. 7%ක 8%ක අයවැය හිඟයක් පියවගන්න මේ වසරේදී ණය ගැනීමට සිදුවෙනවා. විදේශීය ණය සඳහා සීමා සහිත ප්‍රවේශයක් තියෙන තත්ත්වයක් තුළ රජයට තියෙන ප්‍රධනතම විකල්පය වෙන්නේ දේශීය වෙළෙඳ පොළෙන් භාණ්ඩාගාර බිල්පත් හා සුරැකුම්පත් නිකුත් කිරීම හරහා ණය ලබාගැනීම. එම ණය මුදල් වර්තන වියදම් පියව ගැනීම සඳහා යොදාගත්තත් ප්‍රාග්ධන වියදම් සඳහා යොදාගත්තත් රජය ඵලදායී ආකාරයට එවැනි මුදල් පරිහරණය කරනවා නම් ඒ තුළින් ආර්ථිකය තුළ ඵලදායී ප්‍රතිලාභයක ලබා ගැනීමේ හැකියාවක් තියෙනවා.” යනුවෙන් ඔහු තවදුරටත් ප්‍රකාශ කරයි.
ආශිකා බ්‍රාහ්මණ
