රෂිකා හෙන්නායක නොවැම්බර් 10, කොළඹ (LNW):
හෙට(11) මධ්යම රාත්රියෙන් පසු, ලබන බ්රහස්පතින්දා පැවැත්වීමට නියමිත පාර්ලිමේන්තු මැතිවරණයට අදාළ සියලුම ප්රචාරණ කටයුතු අවසන් වන අතර, එහෙත් අපේක්ෂකයින් විසින් පිහිටුවා ඇති මැතිවරණ කාර්යාල ඉවත් කර ගැනීම සඳහා අනිද්දා මධ්යම රාත්රිය දක්වා කල් ලබා දීමට මැතිවරණ කොමිෂන් සභාව පියවර ගෙන ඇත.
පාර්ලිමේන්තු මැතිවරණය සම්බන්ධයෙන් මේ වන විට පැමිණිලි 2,348 ක් එම කොමිෂන් සභාව වෙත වාර්තා වී තිබෙන අතර, පාර්ලිමේන්තු මැතිවරණයේ නිරීක්ෂණ කටයුතු සිදු කරන ජාත්යන්තර නිරීක්ෂණ සංවිධාන නියෝජිතයින් සහ මැතිවරණ කොමිෂන් සභාව අතර විශේෂ සාකච්ඡාවක් අනිද්දා කොළඹදී පැවැත්වීමට නියමිතයි.
මෙවර මැතිවරණයේ නිරීක්ෂණ කටයුතු සඳහා සහභාගී වන ආසියානු රටවල මැතිවරණ කොමිෂන් සභාවල නියෝජිතයින් පිරිසක් හෙට දිනයේදී දිවයිනට පැමිණීමට නියමිත වන අතර, යුරෝපා සංවිධානය ඇතුලු ජාත්යන්තර මැතිවරණ නිරීක්ෂණ සංවිධානවල නියෝජිතයින් දැනටමත් දිවයිනට පැමිණ සිටින අතර තවත් පිරිසක් ඉදිරියේදී පැමිණීමට නියමිත බව වාර්තා වේ.
පාර්ලිමේන්තු මැතිවරණයේ නිරීක්ෂණ කටයුතු සදහා තම සංවිධානයේ නියෝජිතයින් 6,000කට ආසන්න සංඛ්යාවක් යොදවන බව, පැෆ්රල් සංවිධානයේ විධායක අධ්යක්ෂ රෝහණ හෙට්ටිආරච්චි ද කියා සිටියේය.
