කොළඹ LNW:එළැඹෙන (30) පෙර හිග බදු මුදල් ගෙවන ලෙස ඩබ්.එම්. මෙන්ඩිස් සහ වයඹ ඩිස්ටිලරීස් ඇතුළු අරක්කු නිෂ්පාදන සමාගම් පහකට එරෙහිව සුරාබදු දෙපාර්තමේන්තුව අවසන් නිවේදන නිකුත් කර තිබේ.
ලබා දී තිබෙන කාල සීමාව තුළ දී හිග බදු මුදල් නොගෙවන්නේ නම් එම සමාගම් සදහා අරක්කු නිෂ්පාදනය කිරීමට ලබා දී තිබෙන බලපත්‍ර අහෝසි කරන බවයි ද සුරාබදු දෙපාර්තමේන්තුව දැනුම් දී ඇත්තේ.
අදාල සමාගම් පහ විසින් නොගෙවා ඇති බදු ප්‍රමාණය රුපියල් බිලියන 8.5 ක් බව සඳහන්.
සමාගම් පහ විසින් නොගෙවා ඇති රුපියල් බිලියන 8.5 ක මුදලෙන් වැඩිම හිග බදු ප්‍රමාණයක් නොගෙවා ඇති සමාගම ඩබ්.එම්. මෙන්ඩිස් සමාගම වන අතර මෙන්ඩිස් සමාගම විසින් ගෙවිය යුතුව ඇති හිඟ බදු ප්‍රමාණය රුපියල් බිලියන 5.5 ක් බවයි දැක්වෙන්නේ.
ආශිකා බ්‍රාහ්මණ
