කොළඹ LNW:ඇමරිකානු නව ජනාධිපති ලෙස තේරී පත්ව සිටින ඩොනල්ඩ් ට්‍රම්ප් සිය දෙවන ධූර කාලයේ රාජ්‍ය පාලනය වෙනුවෙන් ලොව ධනවතා ලෙස සැලකෙන නව තාක්ෂණයේ නව ප්‍රවණතා හඹා යන්නෙකු වන ඊලෝන් මස්ක් සෘජුවම සම්බන්ධ කර ගෙන තිබේ.
රාජ්‍ය කාර්යක්ෂමතාව නැංවීම සඳහා “Department of Government Efficiency” ලෙස රජයේ කාර්යක්ෂමතා දෙපාර්තමේන්තුවක් ස්ථාපිත කොට එහි ප්‍රධානත්වය ඊලෝන් මස්ක් වෙත තිබේ.
ට්‍රම්ප්ගේ මැතිවරණ පොරොන්දුවක් වූ රාජ්‍ය කාර්යක්ෂමතාව නැංවීම වෙනුවෙන් රජයේ තනතුරු 100,000ක්හැ කපා හැරීමේ පොරොන්දුව ඉටු කිරීම මස්ක්ගේ කළමනාකරණ හැකියාව මත සිදුකිරීමට ජනාධිපති ට්‍රම්ප් සූදානම් වන බවයි විදෙස් මාධ්‍ය පෙන්වා දෙන්නේ.
ටෙස්ලා සහ ස්පේස් X සමාගම්වල හිමිකරු මෙන්ම ප්‍රධාන විධායක නිලධාරියා ලෙස කටයුතු කරන ඊලෝන් මස්ක් ව්‍යාපාරිකයෙක් සහ ආයෝජකයෙක් ලෙස ලොව ඉහළම අවධානයක් යොමුකර ගෙන සිටින අතර ඔහුගේ වත්කම් ප්‍රමාණය ඇමරිකානු ඩොලර් බිලියන 304ක් ලෙස දැක්වෙයි.
ඉලක්ක හඹා යාමේදී ඉතා සාර්ථක පුද්ගලයෙක් ලෙස සැලකෙන් ඊලෝන් මස්ක් ඇමරිකානු ජනාධිපතිවරණ සටනේ ඩොනල්ඩ් ට්‍රම්ප් ජයග්‍රහණය කරවීම වෙනුවෙන් සක්‍රීයව මැදිහත්වූ අයෙක් ලෙසත් සැලකෙයි.
ආශිකා බ්‍රාහ්මණ
