රෂිකා හෙන්නායක දෙසැම්බර් 03, කොළඹ (LNW):
අද (03) රාත්‍රීයේ ගාල්ල සුදර්මාරාම පන්සල අසල පිහිටි අනාරක්ෂිත දුම්රිය හරස් මාර්ගයේදී , මෝටර් රථයක් දුම්රියක ගැටීමෙන් අනතුරක් සිදුවී තිබේ.
එම අනතුරෙන් මෝටර් රථයේ ගමන් කළ සිව්දෙනෙකු බරපතළ තුවාල ලබා ගාල්ල රෝහලට ඇතුළත් කර ඇති අතර, තුවාල ලැබූ සිව්දෙනා අතර දරුවන් දෙදෙනෙකු සිටින බවද තොරතුරු වාර්තා වේ.
ගාල්ල සිට මාතර බලා ධාවනය වූ දුම්රියක මෙම මෝටර් රථය ගැටී ඇති බවට වැඩිදුරත් සඳහන් වේ.
