රෂිකා හෙන්නායක දෙසැම්බර් 21, කොළඹ (LNW):
2024 වසරේ මේ දක්වා ගතවූ කාලය තුල සිදුවූ වෙඩි තැබීම්වලින් පුද්ගලයින් 60 දෙනෙකු මියගොස්, පුද්ගලයින් 44 දනෙකු තුවාල ලබා ඇත බව පොලිස් මාධ්ය ඒකකය පවසයි.
2024 වසරේ ගතවූ කාලය තුළ වාර්තාවී ඇති වෙඩි තැබීමේ සිද්ධීන් ගණන 98 ක් වන අතර, ආසන්නතම සිදුවීම වාර්තා වුණේ, ගාල්ල දඩල්ල ප්රදේශයෙනි. ඒ, ගාල්ල දඩල්ල ප්රදේශයේ වෙඩි තැබීමකින් 38 හැවිරිදි පුද්ගලයෙකු මියගොස් 34 හැවිරිදි ඔහුගේ බිරිඳ තුවාල ලැබුවේ ය. ඔවුන් දෙදෙනා යතුරු පැදියකින් ගමන් කරමින් සිටියදී තවත් යතුරු පැදියකින් පැමිණි දෙදෙනෙකු වෙඩි තැබීම සිදුකර තිබුණි.මෙම සිද්ධිය පිළිබඳ වැඩිදුර විමර්ශන ක්රියාත්මක බව පැවසේ.
පොලිසිය සඳහන් කළේ, එළැඹෙන උත්සව සමයේ ආරක්ෂක රාජකාරි සඳහා පොලිස් නිලධාරීන් 40,000කට අධික සංඛ්යාවක් යෙදවීමට කටයුතු කරන බවයි.
