සටහන – රුවන් නෙළුගොල්ල
හිටපු ජනාධිපති මහින්ද රාජපක්ෂ මහතාගේ ප්‍රධාන ආරක්ෂක නිලධාරී මේජර් නෙවිල් වන්නිආරච්චිගෙන් අපරාධ පරීක්ෂණ දෙපාර්තමේන්තුව ඊයේ (දෙසැම්බර් 27) දිනයේදී පැය 04ක් තිස්සේ ප්‍රකාශයක් සටහන් කරගෙන තිබේ.
මීට පෙර අවස්ථා දෙකකදී CID ය හමුවේ පෙනී සිටින ලෙස ඔහුට දැනුම් දී තිබුණු නමුත් ඔහු එහි පැමිණ සිටියේ නැත.
ඊයේ පෙරවරු 09.30 ට CID යට පැමිණි ඔහුගෙන් පස්වරු 01.30 පමණ වනතුරු ප්‍රකාශයක් සටහන් කරගෙන ඇති බව සඳහන්.
ඒ, අයථා වත්කම් උපයා ගැනීමේ සිද්ධියක් සම්බන්ධ විමර්ශනයකට අදාළව ය.
මේ අතර මහින්ද රාජපක්ෂ මහතාගේ දෙවැනි පුත් යෝෂිත රාජපක්ෂට ද අයථා වත්කම් ඉපයීමේ සිද්ධියක් සම්බන්ධයෙන් ප්‍රකාශයක් ලබාදීම සඳහා 2025 ජනවාරි 03 වනදා CID ය හමුවේ පෙනී සිටින ලෙස දැනුම් දී ඇති බවත් වාර්තා වේ.
RN
