රෂිකා හෙන්නායක දෙසැම්බර් 29, කොළඹ (LNW):
පළාත් පාලන ආයතනවලට මහජන නියෝජිතයන් ලෙස තේරී පත්වන ඇතැම් පුද්ගලයන් විවිධ අපරාධවලට සම්බන්ධ වීම සහ අධ්‍යාපන සුදුසුකමක් නොමැති වීම රටේ දේශපාලනය ජරාජීර්ණ වීමට හේතුව බව, සිවිල් සංවිධාන හා මැතිවරණ නිරීක්ෂණ ආයතන පවසයි.
එබැවින්, ඉදිරියේදී පැවැත්වෙන මැතිවරණවලට ඉදිරිපත් වන අපේක්ෂකයන්ගේ අධ්‍යාපන සහ අනෙකුත් සුදුසුකම් පිළිබඳ පක්ෂ නායකයන් විසින් සොයා බැලිය යුතු බවට යෝජනාවක් ගෙන ඒමට එම සංවිධාන සැරසෙයි.
එම සංවිධාන වැඩිදුරටත් සඳහන් කළේ, දේශපාලනයට ඇතුළත් කර ගැනීමට පෙර එම පුද්ගලයන්ගේ අධ්‍යාපනය, කල්ක්‍රියාව පක්ෂ විසින් සොයා බලා කටයුතු කළ යුතු බවයි.
