2025 නව වසර ඊයේ මධ්‍යම රාත්‍රියෙන් උදාවුණි.
පළමුවෙන් නව වසර උදාවූයේ කිරිබාති රාජ්‍යයට වන අතර ඉන් අනතුරුව නවසීලන්තය, ඔස්ට්‍රේලියාව ඇතුළු රටවලට නව වසර උදාවුණි.
ශ්‍රී ලංකාව ඇතුළු ආසියානු රටවලට නව වසර උදාවූයේ ඉන් අනතුරුවය.
විවිධ සැමරුම් හා විචිත්‍රවත් අවස්ථා සඳහා සම්බන්ධ වෙමින් 2025 නව වසර පිළිගෙන තිබුණි.
නව වසර උදාව සැමරීම වෙනුවෙන් විශාල පිරිසක් ඊයේ (31) රාත්‍රියේ ගාලු මුවදොර පිටියට සහ කොළඹ අශ්‍රිත ප්‍රදේශ රැසකට එක් ව සිටියේය.
දිවයිනේ ස්ථාන බොහොමයක මල්වෙඩි සංදර්ශන ඇතුළු ගිනිකෙළි සංදර්ශන රැසක් පැවති බව සඳහන්ය.
The Leader’ මාධ්‍ය ජාලයෙන් 2025ට අලුත් ඇරඹුමක් !
සිංහල, දෙමල හා ඉංග්‍රීසි භාෂා තුනෙන්ම දිනපතා විශේෂාංග පුවත් හා කාලීන මතවාද ප්‍රකාශයට පත්කරනු ලබන ‘ද ලීඩර්’ මාධ්‍ය ජාලය මඟින් අද (01) දින සිට නව වෙබ් අඩවි 03ක් එළිදැක්වීමට කටයුතු කර ඇත.
ඒ අනුව vow.lk වෙබ් අඩවිය අද දිනයේ අන්තර්ජාලයට එක්වේ. කාන්තාවන් වෙනුවෙන්ම වූ එම සිංහල මාධ්‍ය වෙබ් අඩවියේ සංස්කාරකවරිය ලෙස අභිෂේකා වාසලබණ්ඩාර කටයුතු කරයි.
දමිළ මාධ්‍යයෙන් ප්‍රකාශයට පත්කරනු ලබන puthiyakural.lk අලුත් වෙබ් අඩවියේ සංස්කාරකවරයා ලෙස ජ්‍යෙෂ්ඨ මාධ්‍යවේදියකු වන සිද්ධික් කරියප්පර් කටයුතු කරනු ලබන අතර ඉංග්‍රීසි මාධ්‍යයෙන් ප්‍රකාශයට පත්කරනු ලබන pulseline.lk වෙබ් අඩවියේ සංස්කාරකවරයා ලෙස කෙෂාල් ජයසිංහ කටයුතු කරනු ලබයි.
‘ද ලීඩර්’ කළමනාකාරිත්වය යටතේ ඉදිරියේදී තවත් සමාජ මාධ්‍ය ප්‍රකාශන කිහිපයක්ම නව ආකෘතියකින් යුතුව ප්‍රකාශයට පත්කිරීමට නියමිත වන අතර ‘ද ලීඩර්’ මෙතෙක් පවත්වාගෙන ගිය ප්‍රතිපත්ති රාමුව තුළ මෙන්ම මාධ්‍ය ආචාර ධර්මයන්ට යටත්ව ඉදිරියටද කටයුතු කරන බව එම කළමනාකාරීත්වය අවධාරණය කර සිටියි.
ලැබුවාවු 2025 නව වසර ඔබ සැමට සාමය සතුට පිරි සෞභාග්‍යමත් නව වසරක් වේවායි ‘දී ලීඩර්” මාධ්‍ය මාධ්‍ය ජාලය ප්‍රාර්ථනා කරයි.
The Leader.lk
