හේලීස් සත්ව සෞඛ්‍ය අංශය (Hayleys Animal Health) විසින් ස්ථාපනය කරන ලද පශු වෛද්‍ය ඖෂධ සහ සත්ව ආහාර අතිරේක නිෂ්පාදන කර්මාන්තශාලාව ජාත්‍යන්තර ප්‍රමිති සහතික රැසක් දිනාගැනීමට සමත් වී තිබේ.
ISO 9001:2015, ISO 14001:2015, ISO 22000:2018, ISO 45001:2018, HACCP, සහ GMP ප්‍රමිති සහතික ඔවුන්ට හිමිව ඇත.
මෙම ප්‍රමිති සහතික සමඟින් සිය නිෂ්පාදනයන්හි තත්ත්ව කළමනාකරණය, පාරිසරික තිරසාරත්වය, ආහාර සුරක්ෂිතතාව, වෘත්තීය සෞඛ්‍ය සහ ආරක්ෂාව තහවුරු කිරීම සහ නිෂ්පාදන පිළිවෙත්වල ඉහළම ප්‍රමිතීන් ආරක්ෂා කිරීම හේලීස් සත්ව සෞඛ්‍ය අංශයෙහි අරමුණ වී තිබේ.
ශ්‍රී ලංකාවේ සත්ව සෞඛ්‍ය කර්මාන්තය සඳහා නිරතුරුවම ආරක්ෂිත, ඵලදායි සහ තිරසාර විසඳුම් සැපයීම සඳහා හේලීස් සත්ව සෞඛ්‍ය අංශය (Hayleys Animal Health) දරන උත්සාහය සහ කැපවීම මෙම ප්‍රමිතිකරණය තුළින් මනාව පිළිබිඹු වන බවයි ඔවුන් සඳහන් කරන්නේ.
ප්‍රමිති සහතික ප්‍රදානෝත්සවය, හේලීස් සමාගමෙහි (Hayleys PLC) විධායක අධ්‍යක්ෂිකා සහ හේලීස් ඇග්‍රිකල්චර් සමූහයෙහි (Hayleys Agriculture Holdings Limited) කළමනාකාර අධ්‍යක්ෂිකා ජයන්ති ධර්මසේන, හේලීස් ඇග්‍රිකල්චර් සමූහයෙහි නියෝජ්‍ය කළමනාකාර අධ්‍යක්ෂ ලුෂාන් අබේසේකර, හේලීස් ඇග්‍රිකල්චර් සමූහයෙහි අධ්‍යක්ෂ සහ හේලීස් සත්ත්ව සෞඛ්‍යය අංශයෙහි සාමාන්‍යාධිකාරී පශු වෛද්‍ය සුසන්ත මල්ලව ආරච්චි, හේලීස් සත්ව සෞඛ්‍ය අංශයෙහි පර්යේෂණ, සංවර්ධන සහ නව ව්‍යාපෘති කළමනාකරු පශු වෛද්‍ය චතුර ප්‍රියදර්ශන, සහ සමූහයෙහි අනෙකුත් නිලධාරීන්ගේ සහභාගිත්වයෙන් පසුගියදා සපුගස්කන්දේ පිහිටි එම නිෂ්පාදන කර්මන්තශාලාවේදී උත්සවත්ශ්‍රියෙන් පවත්වන ලදී.
ජාත්‍යන්තර සහතික කිරීමේ ආයතනය නියෝජනය කරමින්, ඕස්ට්‍රේලියාවේ Business Certification Systems ආයතනයෙ හි අධ්‍යක්ෂ සෑම් ප්‍රනාන්දු මහතා ද මෙම අවස්ථාවට සහභාගී වූයේය.
