කොළඹ LNW:හිටපු කම්කරු හා විදේශ රැකියා අමාත්ය මනූෂ නානායක්කාරට එරෙහිව අද (22) අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර තිබේ.
වින්දිතයින් 371 ක් නියෝජනය වන ලෙසයි එම පැමිණිල්ල ඉදිරිපත්ව ඇත්තේ.
විදේශ රැකියා සඳහා යොමුකරන බව පවසමින් මුදල් වංචා කර ඇති අතර එම විදේශ රැකියා ඒජන්සිය විදේශ සේවා නියුක්ති කාර්යාංශයේ ලියාපදිංචි ආයතනයක් වන අතර වසර දෙකක් තිස්සේ තම මුදල් ඉල්ලා හිටපු ඇමතිවරයාට,විදේශ සේවා නියුක්ති කාර්යාංශයට, පොලිස් කොමිසමට, පොලිස් මුලස්ථානයට පැමිණිලි කළද කිසිදු ආකාරයක සහනයක් නොලැබුණු බවයි ඔවුන් පැවසුවේ.
ඒ අනුව මෙම මුදල් වංචාවට සම්බන්ධ ඒජන්සියේ හිමිකරුද ඩුබායි වෙත පලාගොස් සිටින බවත් ඔහුට එලෙස රටින් පලායාමට ඉඩ නොදෙන ලෙස මීට පෙර මනුෂ නානායක්කාර අමාත්යවරයාගෙන් ඉල්ලා සිටියද ඒ ගැන නොසලකා ඔහු කටයුතු කර තිබෙන බව එම වින්දිතයින් සඳහන් කරන ලදී.
ඒ අනුව මෙම වංචාව පිළිබඳ විමර්ශනය කර සාධාරණය ඉටුකර දෙන ලෙස ඉල්ලමින් අපරාධ පරීක්ෂණ දෙපාර්තමේන්තුව වෙත පැමිණිලි කර තිබේ.
ආශිකා බ්රාහ්මණ
