මේ වසරේ ජුනි මාසයේදී ඉදිරි මාස 8ක් සඳහා බොරතෙල් සැපයීමේ කොන්ත්‍රාතුව ලබාදුන් නයිජීරියානු සමාගම තෙල් කඳුළක්වත් මෙරටට සපයා නොමැති බව ඛනිජ තෙල් සංස්ථා වෘත්තීය සමිති නායකයකු වන ආනන්ද පාලිත මහතා පවසයි.
“මේ අවුරුද්දෙ ජුනි මාසෙ කොන්සියෝ කියන නයිජීරියානු සමාගමකට මාස 8කට අඛණ්ඩ බොරතෙල් කොන්ත්‍රාතුව දුන්නා. මේ සමාගම එක තෙල් කඳුළක්වත් සංස්ථාවට තෙල් සපයලා නෑ. ඒක හින්දා හදිසි මිලදීගැනීම් වලට ගියා නැව් දෙකක් ගෙන්වාගන්න පුළුවන් වුණා. මේ නැව් දෙකට විතරක් අපි ඩොලර් මිලියන 8කට වඩා ගෙවලා තියෙනවා. දින විසිගාණක් යන්නෙ සේවකයින්ට කෝටි 10ක් ඉක්මවන්න මාසික පඩි ගෙවන්න වෙනවා. දිනක නිෂ්පාදන ධාරිතාවය 30%ක් නැතිවීම නිසා දිනකට කෝටි 10ක් ඉක්මවනවා වැඩිපුර ගෙවන මුදල් පිරිපහදු තෙල් ගේන්න. තෙල් සංස්ථාව ඇමතිගෙ වචනෙන් කියනවා නම් බංකොලොත් !”
ආනන්ද පාලිත මහතා මේ බව පැවසුවේ ඊයේ (30) වත්තල ප්‍රදේශයේ පැවති මාධ්‍ය හමුවක් අමතමිනි.
RN
