අධිකරණයට අපහාස කිරීමක් සම්බන්ධයෙන් රංගන ශිල්පී සුදත්ත තිලකසිරිට එරෙහිව ගොනුකර ඇති නඩුව අද (ජනවාරි 28) අභියාචනාධිකරණය හමුවේ කැඳවීමට නියමිතයි.
CA/COC 01/2025 යන අංකය යටතේ මේ නඩුව ගොනුකර තිබෙන්නේ හිටපු කම්කරු හා විදේශ රැකියා අමාත්ය මනූෂ නානායක්කාර වෙනුවෙන් ඔහුගේ නීතීඥයින් විසින්.
ඒ, සුදත්ත තිලකසිරිගේ යූටියුබ් නාලිකාවක විකාශය කරන ලද වැඩසටහනක් තුළින් අධිකරණයට අපහාස වන ආකාරයේ කරුණු දැක්වීමක් සිදුකළ බව පවසමින්.
නඩුව ගොනු කෙරුණේ පසුගිය ජනවාරි 17 වනදා. එයින් පස්සේ මේ දවස් ටිකේ සුදත්ත වැඩිය පේන්න හිටියෙත් නැහැ. කොහොමවුණත් අධිකරණයට අපහාස කිරීම කියන්නේ බරපතළ චෝදනාවක්.
සුදත්ත තිලකසිරි රංගන ශිල්පියෙක් වගේම පසුගිය ජනාධිපතිවරණ සමයේ අනුර කුමාර දිසානායක මහතාගේ ජයග්රහණය වෙනුවෙන් සමාජ මාධ්ය තුළ සුවිශේෂී දායකත්වයක් ලබාදීපු කෙනෙක් හැටියටත් ප්රසිද්ධයි.
