ජාතික තරුණ සේවා සභාවේ සභාපති නීතීඥ චින්තක හේවාපතිරණ මහතාත් සිය ධුරයෙන් ඉල්ලා අස්වී ඇති බව වාර්තා වේ.
ඒ මහතා එම තනතුරේ වැඩ භාරගත්තේ 2024 ඔක්තෝබර් 04 වනදා ය.
මෙය අද (ජනවාරි 31) දිනයේදී වාර්තා වූ තුන්වැනි රාජ්‍ය ආයතන සභාපතිවරයකු ඉල්ලා අස්වීමේ සිදුවීමයි.
අද දිනයේදී මීට පෙර ජාතික නිවාස සංවර්ධන අධිකාරියේ සභාපති මොන්ටි රණතුංග මහතා සහ ජාතික ප්‍රවාහන වෛද්‍ය ආයතනයේ සභාපති වෛද්‍ය රුවන් විජයමුණි මහතා ද සිය තනතුරු වලින් ඉල්ලා අස්වී තිබිණි.
පසුගිය දෙසැම්බර් 24 වනදා රූපවාහිනී සංස්ථාවේ සභාපති සෙනේෂ් දිසානායක බණ්ඩාර මහතා ඉල්ලා අස්වූ අතර ජනවාරි 29 වනදා ලංගම සභාපති රමාල් සිරිවර්ධන මහතා ද ඉල්ලා අස්වූයේය.
