ශ්රී ලංකා පරමාණුක බලශක්ති මණ්ඩලයේ සභාපති මහාචාර්ය S. R. D. රෝසා මහතාත් සිය ධුරයෙන් ඉල්ලා අස්වී ඇති බව ආරංචිමාර්ග පවසයි.
ඒ මහතා කොළඹ විශ්වවිද්යාලයේ කීර්තිමත් මහාචාර්යවරයකු වන අතර වසර කිහිපයක් තිස්සේම ශ්රී ලංකා පරමාණුක බලශක්ති මණ්ඩලයේ සභාපතිවරයා වශයෙන් කටයුතු කළ අයෙකි. මහාචාර්ය S. R. D. රෝසා මහතා භෞතික විද්යාව පිළිබඳ ග්රන්ථ රැසක් ද රචනා කළ කතුවරයෙකි.
ගතවූ මාස එකහමාරක පමණ කාලය තුළ, නව රජයේ රාජ්ය ආයතන සභාපතිවරුන් පස් දෙනෙකු මීට පෙර ඉල්ලා අස්වී තිබිණි.
ඒ, රූපවාහිනී සංස්ථාවේ සභාපති සෙනේෂ් දිසානායක බණ්ඩාර මහතා, ලංගම සභාපති රමාල් සිරිවර්ධන මහතා, ජාතික නිවාස සංවර්ධන අධිකාරියේ සභාපති මොන්ටි රණතුංග මහතා, ජාතික ප්රවාහන වෛද්ය ආයතනයේ සභාපති වෛද්ය රුවන් විජයමුණි මහතා සහ ජාතික තරුණ සේවා සභාවේ සභාපති නීතීඥ චින්තක හේවාපතිරණ මහතා වශයෙනි.
සබැඳි පුවත් –
